Mu mukino wabaye ku cyumweru tariki ya 24 Ukwakira wahuje amakipe yo mu gihugu cy’ubwongereza muri England premier League yahuje amakipe abiri y’ibigugu ya Manchester United na Liverpool aho byaje kurangira Man U itsinzwe 5-0.
Ubwo uyu mukino wabaga mu gihugu cya Kenya abanyeshuri biraye aho baryamira (dortoir) barayitwika kubera ko ubuyobozi bw’ishuri rya Dr Krapf Boys Secondary School bwari bwanze ko aba banyeshuri bareba uyu mukino wari wahuje aya makipe abiri. Kugeza ubu abo banyeshuri bamaze gutabwa muri yombi ndetse n’ishuri kugeza ubu ryahise rifungwa.
Iri shuri ngo ryemerera abanyeshuri kureba televiziyo ku wa Gatandatu gusa, ari nabyo byabaye intandaro yo kubabuza kureba uyu mukino. Umuyobozi wa Polisi iri shuri riherereyemo yavuze ko aba banyeshuri batawe muri yombi nyuma y’iperereza ryakozwe ku bagera kuri 14.
