Muri iyi weekend shampiyona zo ku mugabane w’uburayi zakomeje amakipe amwe aratsinda andi aratsindwa ndetse n’andi aranganya nkuko biba bigomba kubaho mu mupira w’amaguru.
Kuri uyu wagatandatu Premier League yari yakomeje aho amakipe menshi makuru yari yakinnye. Ku mukino wari uw’umunsi wari umukino wahuzaga ikipea ya Manchester United na Leicester City aho iyi kipe ya Leceister yanyagiye itababariye Man U ibitego bigera kuri bine kuri bibiri (4-2).
Iyi kipe y’i Manchester benshi bari bamaze kugirira ikizere ko itapfa gutsindwa dore ko bafite abakinnyi bakomeye b’inkingi za mwamba harimo na rurangiranwa Christiano Ronaldo waje atsindira iyi kipe ibitego aho no kuri ubu yaje kubanzamo gusa ntatsinde igitego.
Christiano amaze iminsi yihanangirije umutoza we Ole ko atari umukinnyi wo kubanza ku ntebe y’abasimbura mu mukino banganyijemo n’ikipe ya Everton 1-1.
Ibitego bibiri bya Man U byatsinzwe na Masson Greenwood na Marcus Rashford mu gihe Leicester City yo yaje gutsindirwa na Tielemans, C.Soyuncu, J.Vardy ndetse na P.Daka. Uyu munsi usize ikipe ya Man U iri ku mwanya wa gatanu n’amanota 14 mu gihe Chelsea ariyo iyoboye n’amanota 19 dore ko yatsinze Brentford igitego kimwe ku busa.
