Umunya-Cameroun, Leandre Willy Essomba Onana wari umaze imyaka ibiri akinira Rayon Sports yasinyiye Simba SC yo muri Tanzania amasezerano y’imyaka ibiri.
Onana yashyize umukono ku masezerano kuri iki Cyumweru, tariki ya 11 Kamena 2023, i Dar es Salaam muri Tanzania.
Uyu rutahizamu yari mu bakomeye muri Rayon Sports ndetse mu ijoro ryo ku wa 10 Kamena 2023, yahembwe nk’Umukinnyi wayo w’Umwaka w’Imikino wa 2022/2023.
Onana ni we uyoboye abatsinze ibitego byinshi kurusha abandi muri Shampiyona y’umwaka ushize, aho yinjije 16, anatanga imipira itanu yabibyaye.
