Umukobwa w’imyaka 21 muri Uganda yishwe n’umupolisi ubwo yageragezaga kwinjira iwe, yahitiranyije no mu rugo rw’umukunzi we.
Uyu mukobwa witwaga Natasha Nagayi yari umunyeshuri muri Uganda Christian University (UCU).
Yarashwe mu masaha y’ijoro mu karere ka Mukono aho umupolisi yamwitiranyije n’umugizi wa nabi cyangwa umujura washakaga kwinjira iwe.
Uyu mukobwa yari agiye kwinjira mu nzu ya Assistant Superintendent of Police[ASP] Dismas Tebangole.
Nagayi yarashwe nyuma yo gusohokana n’umukunzi we, yakumva ananiwe akamwaka imfunguzo.
Undi yazimuhaye akomeza kuryoshya aho yari yasohokeye, umukobwa nibwo yagiye yitiranya icyumba umukunzi we abamo n’icy’umuturanyi ni nako kuraswa bamukekaho kuba ari umuntu uje kugira ibyo yangiza muri urwo rugo.
Umupolisi warashe uyu mukobwa arafunzwe mu gihe umurambo wajyanywe kwa muganga.
