Nyuma yo kwica umugore we amurishije inzoka yo mu bwoko bwa Cobra, umugabo wo mu gihugu cy’ubuhinde yakatiwe igifungo kidasanzwe gihabwa abahamwe n’ibyaha.
Umugabo Sooraj Kumar yatawe muri yombi mu mwaka ushize nyuma yuko umugore we Uthra apfuye yishwe no kurumwa n’inzoka ya Cobra byatumye urukiko rumukatira gufungwa burundu inshuro ebyiri zose.
Polisi yatangiye gukora iperereza nyuma yuko umuryango we uvuze ko yishwe, uvuga ko Sooraj yari amaze igihe abajujubya kubera inkwano. Ku wa mbere, urukiko rwasanze ahamwa no kurekurira inzoka y’inshira ku gitanda ubwo Uthra yari asinziriye.
Uwo mugore w’imyaka 25 yasanzwe yapfiriye mu nzu ye mu kwezi kwa gatanu mu mwaka ushize gusa umuryango we wagize amakenga kuko hari hashize ibyumweru Uthra arumwe n’inzoka y’impiri (yo mu bwoko buzwi nka Russell’s viper). Yari arimo koroherwa kuri uko kurumwa n’iyo ya mbere ubwo iyo nshira yamurumaga
Umucamanza yemeye ko ibyabaye ari imbonekarimwe, akatira Sooraj gufungwa burundu kabiri, anamutegeka kuriha amande angana n’ama-rupee 500,000 agera kuri miliyoni 6 mu mafaranga y’u Rwanda
